【真人真事】 女友乜都不肯做! 真心好想飛左佢!

2017年12月21日     3344     檢舉

同女友大家都有返工, 我工作時間長啲, 一齊生活左幾年,一直以黎全屋租水電煤我負責,日用品糧食通常都我買,屋企電視冷氣電腦亦都係我買。 佢份人工除左交電話費基本都自己洗,有時唔夠洗會係我銀包攞錢。

頭先我放工返黎我地因日常小事嘈左幾句,跟住話題就講到搞嘢同家務方面。

我: 又掛住整塊面,塊地咁烏糟又唔掃下? (女友今日放假, 返到黎我見到佢係度睇電視,成地塵同佢d長頭髮,張餐檯又立立亂,佢平時指甲挫黑頭針眉鉗用過既廁紙等等放曬係檯度又唔執)

女友: 又話我,一返到黎淨係識鬧人!

我: 咁係丫,放假成日係屋企都唔執下啲野。 (其實我既語氣只係正經少少,同佢拍拖一直以黎我都無大聲鬧過佢)

女友: 咁你做唔得既! 你除左識摺下衫倒垃圾仲有咩做過?

我: 妳次次煮完野食啲碗碟擺幾日都唔洗咪又係我洗!

女友: 仲有無呀? 咪淨係得呢啲囉!

你有無份洗衫晾衫? 洗廁所掃地都係我做! 換床單都係我!

我: 咁我工作時間長,屋企開支我已經盡量負責曬唔駛妳煩惱,我返到黎只係想有個乾淨溫暖既家啫,唔係好過份呀?

女友: 咁妳宜家即係話呢個家唔溫暖啦? 咁叻你咪請個工人返黎囉! 唔係你搵個工人做老婆,出果幾千蚊當我工人呀! (返房"彭"閂埋門)

我: .......無言

其實我要求好高咩?

佢一個禮拜至十日先洗一次衫, 地一個月都只拖2, 3次,床單2個月先肯換。 其它執屋抹野更加得過年一次。

佢永遠做野做一半點都留返啲俾我做,收完衫要我摺,食完野要我執野,佢由垃圾桶拎完袋垃圾出黎都要等我攞去垃圾房。

我同佢咁耐我都係有時勞騷2句就算,

但今次佢咁講令到我從新考慮我地既關系,係我要求太高? 定係我地唔適合大家? 一齊幾年係咪就此結束?

我係愛佢,開始時已諗過結婚,但呢2年我漸漸無左呢種想法,係佢身上,我真係無左家既感覺。

仲有其實我地洗碗洗好少,咁多年佢都無乜點煮過飯俾我食。 因為我放工比佢遲,食飯時間唔一樣。 係有時佢自己煮完公仔麵煎完雞翼果啲鑊碗碟又唔係即係洗,點都放幾日先,佢知我都要煮野食,諗住我會順手幫佢淨埋。

有幾次試過我專登唔洗佢用完果啲,佢就真係攞成十日都唔洗!

有時話多佢2句就黑哂口面發脾氣

相關閱讀